O‘tgan yili «Napoli» safiga borib qo‘shilgan belgiyalik yarim himoyachi Kevin De Bryuyne bunday qarorga kelishining sabablarini tushuntirib berdi. Uning so‘zlariga ko‘ra, Neapol uning oilasi yashashi uchun eng maqbul joy hisoblanadi.
«Bu yuqori darajadagi raqobatbardosh futbol o‘ynashda davom etishim mumkin bo‘lgan eng yaxshi makon. Mening kichik yoshli farzandlarim bor va men ular uchun eng qulay bo‘lgan joyni qidirgan edim. Bu yerda mentalitet Angliyadagidan farq qiladi, ob-havo boshqacha, odamlarning turmush tarzi ham o‘zgacha. Bu bizga juda yoqmoqda. Moslashish jarayonida ayrim qiyinchiliklar bo‘ldi, ammo hozirda hamma baxtli», — deya De Bryuynening so‘zlarini keltirmoqda calcionapoli1926.it.
Eslatib o‘tamiz, belgiyalik futbolchi bungacha o‘n yil davomida Angliyada yashagan va to‘p surgan edi.
