«Komo» jamoasi ustozi Sesk Fabregas murabbiylik faoliyatining boshida Mikel Arteta bilan maslahatlashganini yodga oldi.
38 yoshli ispaniyalik mutaxassis 2024 yildan beri Italiya klubida bosh murabbiy lavozimida ishlab kelmoqda.
«Men Arteta bilan gaplashib, bu ishga tayyor ekanligimga ishonchim komil emasligini aytgandim. U esa shunday javob berdi: «Hatto hozir tayyor bo‘lmasang ham, ichingdagi raqobatbardoshlik seni yechimlar qidirishga undaydi va o‘z qarashlaringni shakllantirishga yordam beradi». Oradan ikki yil o‘tib aytishim mumkinki, Mikel haq edi. Murabbiylar shtabim menga maslahatlar berib turdi, lekin yakunda qaror qabul qilish va mas’uliyatni o‘z zimmamga olish baribir mening vazifam edi», – deya ingliz OAVlari Fabregasning so‘zlarini keltirmoqda.
«Komo» A Seriyaning 30 ta turidan so‘ng turnir jadvalida to‘rtinchi o‘rinni egallab turibdi.
