«Lion» o‘z g‘alabasiz seriyasini 9 ta o‘yinga yetkazdi — 5 ta durang va 4 ta mag‘lubiyat.
Bugun Paulu Fonseka shogirdlari Liga 1 ning 28-turi doirasida «Anje» bilan durang o‘ynashdi (0:0).
«Real»dan ijaraga olingan Endrik «Lion» safidagi oxirgi 10 ta o‘yinida atigi 1 ta gol urdi. Braziliyalik forvard fransuz klubi uchun ketma-ket 4 ta o‘yindan beri gol ura olmayapti.
«Lion» turnir jadvalida 5-o‘rinda bormoqda va tur yakunlariga ko‘ra pastroqqa tushib ketishi mumkin. Jamoa hisobida 48 ochko bor, peshqadam «PSJ»dan ortda qolish esa 15 ochkoni tashkil etmoqda.
12 aprel kuni «Lion» o‘z maydonida «Loryan»ni qabul qiladi.
