«Barselona»ning hujumkor yarim himoyachisi Dani Olmoning klubni tark etishi haqidagi xabarlar tarqalmoqda.

27 yoshli futbolchiga Saudiya Arabistoni chempionati vakillari da’vogarlik qilmoqda, shuningdek, Yevropa grandlarining qiziqishi haqida ham mish-mishlar paydo bo‘ldi. Insayder Fabrisio Romano ispaniyalik futbolchining Saudiya Arabistoniga ko‘chib o‘tishdan bosh tortganini tasdiqladi — u bor e’tiborini «Barselona»ga qaratgan va ketish haqida hatto o‘ylab ham ko‘rmagan. Qayd etilishicha, o‘yinchi yaqin kelajakda «ko‘k-anorranglilar» safini tark etishni rejalashtirmayapti va hatto o‘ta foydali shartnoma shartlari ham uning fikrini o‘zgartira olmaydi.

Dani Olmo joriy mavsumda 39 ta o‘yinda maydonga tushib, 8 ta gol urdi va xuddi shuncha golli uzatmani amalga oshirdi.