«Барселона»нинг ҳужумкор ярим ҳимоячиси Дани Ольмонинг клубни тарк этиши ҳақидаги хабарлар тарқалмоқда.
27 ёшли футболчига Саудия Арабистони чемпионати вакиллари даъвогарлик қилмоқда, шунингдек, Европа грандларининг қизиқиши ҳақида ҳам миш-мишлар пайдо бўлди. Инсайдер Фабрицио Романо испаниялик футболчининг Саудия Арабистонига кўчиб ўтишдан бош тортганини тасдиқлади — у бор эътиборини «Барселона»га қаратган ва кетиш ҳақида ҳатто ўйлаб ҳам кўрмаган. Қайд этилишича, ўйинчи яқин келажакда «кўк-анорранглилар» сафини тарк этишни режалаштирмаяпти ва ҳатто ўта фойдали шартнома шартлари ҳам унинг фикрини ўзгартира олмайди.
Дани Ольмо жорий мавсумда 39 та ўйинда майдонга тушиб, 8 та гол урди ва худди шунча голли узатмани амалга оширди.
