Braziliyaning «Santos» klubi hujumchisi Neymar ayol hakam — Savio Pereyra Sampayoga nisbatan jinsiy kamsituvchi bayonoti sabab 5 tadan 12 ta o‘yingacha diskvalifikasiya qilinishi mumkin.

Hodisa 3 aprel kuni Braziliya A Seriyasi 9-turida «Remo» («Remo»)ga qarshi o‘yindan (2:0) keyin sodir bo‘lgan.

Ispaniyaning Sport.es nashri xabar berishicha, yulduz vinger diskriminasion xulq-atvor va hakamlikni ochiq tanqid qilganlikda ayblanmoqda.

Qayd etilishicha, o‘yindan so‘ng 34 yoshli futbolchi sariq kartochkadan norozi bo‘lib, intervyuda hakam “kayfiyatsiz uyg‘ongan”ini aytgan va buni noo‘rin ravishda menstrual sikl bilan taqqoslagan. Shuningdek, u Sampayoni futbolchilarga hurmatsizlik qilishda va maydonda asosiy qahramon bo‘lishga intilishda ayblagan.

Neymar 86-daqiqada sportga xos bo‘lmagan harakati uchun sariq kartochka olgan va shu sabab diskvalifikasiya qilinadi. Bu tufayli u har qanday holatda ham «Flamengo»ga qarshi keyingi uchrashuvni o‘tkazib yuboradi.

Joriy mavsumda barcha turnirlarda o‘tkazgan 6 ta o‘yinda Neymar 3 ta gol urdi va 3 ta golli uzatma berdi.