"Manchester Yunayted" klubining sobiq o‘ng qanot himoyachisi va Ekvador terma jamoasi a’zosi Antonio Valensiya "Uitenshou Taun" havaskorlik klubi bilan shartnoma imzoladi. Bu haqda mazkur jamoaning ijtimoiy tarmoqlardagi sahifalarida xabar berilgan.
"Uitenshou" ingliz futbolining beshinchi darajasiga mansub ligalardan birida ishtirok etadi va hozirda o‘z guruhida birinchi o‘rinda bormoqda. Shunga qaramay, ta’kidlash joizki, gap asosiy tarkib haqida emas, balki Cheshir grafligi ligasida qatnashuvchi faxriylar jamoasi haqida bormoqda.
Valensiya "Old Trafford"da 10 yil faoliyat yuritib, ikki marta APL bosh sovrini, Angliya Kubogi, ikkita Liga Kubogi va Yevropa Ligasida g‘olib chiqqan. U "Manchester Yunayted" safida jami 339 ta o‘yin o‘tkazgan. Shuningdek, Ekvador terma jamoasi safida 99 ta xalqaro uchrashuvda ishtirok etib, 2006 va 2014 yilgi Jahon chempionatlarida o‘z mamlakati sharafini himoya qilgan.
U professional futbolchilik faoliyatini 2021 yilda yakunlagan edi, shundan so‘ng o‘z vatanida "AV25" nomli shaxsiy akademiyasiga asos solgan.
