Braziliyaning «Santos» klubi 2026 yilgi jahon chempionati oldidan o‘z yetakchisi Neymardan maksimal darajada foydalanish strategiyasini ishlab chiqdi, deb xabar bermoqda Globo nashri.
Turnir boshlanishiga qadar jamoa jami 14 ta o‘yin o‘tkazadi va klub rahbariyati hujumchining jismoniy holatini nazorat qilgan holda, uni ushbu bahslarning 13 tasida maydonga tushirishni rejalashtirgan.
Yagona istisno sifatida kelayotgan chorshanba kuni Janubiy Amerika kubogi doirasida bo‘lib o‘tadigan «Deportivo Kuenka»ga qarshi o‘yin tanlandi — unda Neymar ishtirok etmaydi. Qolgan bahslarda esa vaziyatga individual yondashiladi va asosiy e’tibor muhim uchrashuvlarga qaratiladi.
Manbaning qo‘shimcha qilishicha, Neymar hozirda kuniga ikki mahaldan jadal mashg‘ulotlar o‘tkazmoqda. Futbol yulduzining asosiy maqsadi — jahon chempionatiga munosib holatda yetib borish.
