Бразилиянинг «Сантос» клуби 2026 йилги жаҳон чемпионати олдидан ўз етакчиси Неймардан максимал даражада фойдаланиш стратегиясини ишлаб чиқди, деб хабар бермоқда Globo нашри.
Турнир бошланишига қадар жамоа жами 14 та ўйин ўтказади ва клуб раҳбарияти ҳужумчининг жисмоний ҳолатини назорат қилган ҳолда, уни ушбу баҳсларнинг 13 тасида майдонга туширишни режалаштирган.
Ягона истисно сифатида келаётган чоршанба куни Жанубий Америка кубоги доирасида бўлиб ўтадиган «Депортиво Куэнка»га қарши ўйин танланди — унда Неймар иштирок этмайди. Қолган баҳсларда эса вазиятга индивидуал ёндашилади ва асосий эътибор муҳим учрашувларга қаратилади.
Манбанинг қўшимча қилишича, Неймар ҳозирда кунига икки маҳалдан жадал машғулотлар ўтказмоқда. Футбол юлдузининг асосий мақсади — жаҳон чемпионатига муносиб ҳолатда етиб бориш.
