"PSJ" qanot hujumchisi Bredli Barkolya Chempionlar Ligasi doirasidagi «Liverpul»ga qarshi bahs oldidan umumiy guruh mashg‘ulotlariga qaytdi. Bu haqda PSG Report xabar bermoqda.
23 yoshli fransuz jarohati sabab Fransiya chempionatining oxirgi ikki o‘yinini o‘tkazib yuborgan edi. Biroq futbolchi allaqachon mashg‘ulotlarni boshlagan va «Liverpul» bilan bo‘ladigan "jang"da ishtirok etishga tayyor.
Joriy mavsumda Barkolya barcha musobaqalarda 38 ta o‘yinda maydonga tushib, 12 ta gol urdi va 6 ta golli uzatmani amalga oshirdi.
Chempionlar Ligasi chorak finali doirasidagi "PSJ" va «Liverpul» o‘rtasidagi dastlabki uchrashuv bugun, 7 aprel kuni bo‘lib o‘tadi.













