"ПСЖ" қанот ҳужумчиси Брэдли Барколя Чемпионлар Лигаси доирасидаги «Ливерпуль»га қарши баҳс олдидан умумий гуруҳ машғулотларига қайтди. Бу ҳақда PSG Report хабар бермоқда.
23 ёшли француз жароҳати сабаб Франция чемпионатининг охирги икки ўйинини ўтказиб юборган эди. Бироқ футболчи аллақачон машғулотларни бошлаган ва «Ливерпуль» билан бўладиган "жанг"да иштирок этишга тайёр.
Жорий мавсумда Барколя барча мусобақаларда 38 та ўйинда майдонга тушиб, 12 та гол урди ва 6 та голли узатмани амалга оширди.
Чемпионлар Лигаси чорак финали доирасидаги "ПСЖ" ва «Ливерпуль» ўртасидаги дастлабки учрашув бугун, 7 апрель куни бўлиб ўтади.
