Madridliklar himoyaning o‘ng qanoti uchun yangi futbolchi qidirishmoqda. 27 yoshli portugaliyalik himoyachi Diogu Dalot «Real Madrid» qiziqishlari doirasiga tushdi. Bu haqda Fussball Daten nashri xabar bermoqda.
2018 yildan beri «Manchester Yunayted» sharafini himoya qilib kelayotgan futbolchi «Real»da joriy yilda 34 yoshni qarshilagan Dani Karvaxalga potensial o‘rinbosar sifatida ko‘rilmoqda. Shuningdek, «qaymoqranglilar» Karvaxal pozisiyasiga «Bavariya»dan Yosip Stanishichni ham taklif etishlari mumkinligi aytilmoqda.
Diogu Dalot joriy mavsumda «Manchester Yunayted» safida 31 ta o‘yinda maydonga tushib, o‘z hisobiga 1 ta gol va 3 ta golli uzatmani yozdirib qo‘ygan.
