Мадридликлар ҳимоянинг ўнг қаноти учун янги футболчи қидиришмоқда. 27 ёшли португалиялик ҳимоячи Диогу Далот «Реал Мадрид» қизиқишлари доирасига тушди. Бу ҳақда Fussball Daten нашри хабар бермоқда.

2018 йилдан бери «Манчестер Юнайтед» шарафини ҳимоя қилиб келаётган футболчи «Реал»да жорий йилда 34 ёшни қаршилаган Дани Карвахалга потенциал ўринбосар сифатида кўрилмоқда. Шунингдек, «қаймоқранглилар» Карвахаль позициясига «Бавария»дан Йосип Станишични ҳам таклиф этишлари мумкинлиги айтилмоқда.

Диогу Далот жорий мавсумда «Манчестер Юнайтед» сафида 31 та ўйинда майдонга тушиб, ўз ҳисобига 1 та гол ва 3 та голли узатмани ёздириб қўйган.