Ikki vazn toifasida UFC chempioni, gruziyalik Iliya Topuriya sport nuqtai nazaridan o‘z faoliyatini muvaffaqiyatli deb hisoblashini tan oldi.
"Agar sport haqida gapiradigan bo‘lsak, men barcha istaklarimni amalga oshirganimni his qilyapman: jahon chempioni bo‘ldim, titulni himoya qildim, shundan so‘ng boshqa vazn toifasiga ko‘tarilib, yana bir kamarni qo‘lga kiritdim. Endi esa Oq uyda bo‘laman", — deya Topuriyaning so‘zlarini keltiradi "Marca" nashri.
Iliya Topuriya 29 yoshda. Gruziyalik jangchi 2020 yildan beri UFC'da ishtirok etib kelmoqda. 2024 yilda yarim yengil vaznda (65 kg gacha) chempion bo‘ldi va shundan so‘ng bir marta o‘z unvonini himoya qildi. 2025 yilda esa yengil vazn toifasida (70 kg gacha) chempionlik kamarini qo‘lga kiritdi.













