«Sporting» bosh murabbiyi Ruy Borjesh «Arsenal»dan qabul qilingan mag‘lubiyatni diqqatni yo‘qotish oqibati deb atadi.
Chempionlar Ligasi 1/4 finalining dastlabki uchrashuvida Portugaliya klubi ikkinchi bo‘limga qo‘shib berilgan birinchi daqiqada gol o‘tkazib yuborib, 0:1 hisobida imkoniyatni boy berdi.
«O‘yin hatto to‘p nazorati bo‘yicha ham teng kurashlar ostida o‘tdi. «Sporting»da gol urish uchun yaxshiroq imkoniyatlar bo‘lgan edi. Biz o‘yin tizginini nazorat qildik va ochig‘ini aytsam, futbolchilar hamda butun jamoaning ko‘rsatgan o‘yinidan juda mamnunman.
Diqqatning qisqa vaqtga yo‘qotilishi bizga qimmatga tushdi. Bu juda alamli, chunki voqea 90-daqiqada yuz berdi. Ammo biz boshimizni baland ko‘tarib, oldinga intilishimiz kerak, chunki futbol shunisi bilan futbol», – dedi Borjesh intervyusida.
