«Спортинг» бош мураббийи Руй Боржеш «Арсенал»дан қабул қилинган мағлубиятни диққатни йўқотиш оқибати деб атади.

Чемпионлар Лигаси 1/4 финалининг дастлабки учрашувида Португалия клуби иккинчи бўлимга қўшиб берилган биринчи дақиқада гол ўтказиб юбориб, 0:1 ҳисобида имкониятни бой берди.

«Ўйин ҳатто тўп назорати бўйича ҳам тенг курашлар остида ўтди. «Спортинг»да гол уриш учун яхшироқ имкониятлар бўлган эди. Биз ўйин тизгинини назорат қилдик ва очиғини айтсам, футболчилар ҳамда бутун жамоанинг кўрсатган ўйинидан жуда мамнунман.

Диққатнинг қисқа вақтга йўқотилиши бизга қимматга тушди. Бу жуда аламли, чунки воқеа 90-дақиқада юз берди. Аммо биз бошимизни баланд кўтариб, олдинга интилишимиз керак, чунки футбол шуниси билан футбол», – деди Боржеш интервьюсида.