Joze Mourinyu «Benfika»ning aynan qaysi futbolchilaridan ko‘ngli to‘lmayayotgani ma’lum bo‘ldi.
Eslatib o‘tamiz, Portugaliya chempionatining 28-turida «Kaza Piya» bilan qayd etilgan durang (1:1) dan so‘ng, Lissabon jamoasi bosh murabbiyi shunday degan edi: «Men ba’zi futbolchilarni maydonga tushirishni to‘xtatmoqchiman. Ammo ulardan foydalanishni istamasam-da, ular klub aktivlari hisoblanadi».
«Record» nashri bergan ma’lumotga ko‘ra, Mourinyu asosiy tarkibda maydonga tushib, o‘yin davomida almashtirilgan yarim himoyachilar Enso Barrenechea va Rafa Silva, shuningdek, vinger Dodi Lukebakioni nazarda tutgan. Bundan tashqari, murabbiyning so‘zlari 70-daqiqada Silvaning o‘rniga zaxiradan qo‘shilgan Georgiy Sudakovga ham tegishli bo‘lgan.
Qayd etilishicha, hozirda Joze o‘z bayonotlarida biroz vazminroq bo‘lishi kerak edi deb hisoblamoqda.
