Жозе Моуринью «Бенфика»нинг айнан қайси футболчиларидан кўнгли тўлмаяётгани маълум бўлди.
Эслатиб ўтамиз, Португалия чемпионатининг 28-турида «Каза Пия» билан қайд этилган дуранг (1:1) дан сўнг, Лиссабон жамоаси бош мураббийи шундай деган эди: «Мен баъзи футболчиларни майдонга туширишни тўхтатмоқчиман. Аммо улардан фойдаланишни истамасам-да, улар клуб активлари ҳисобланади».
«Record» нашри берган маълумотга кўра, Моуринью асосий таркибда майдонга тушиб, ўйин давомида алмаштирилган ярим ҳимоячилар Энцо Барренечеа ва Рафа Силва, шунингдек, вингер Доди Лукебакиони назарда тутган. Бундан ташқари, мураббийнинг сўзлари 70-дақиқада Силванинг ўрнига захирадан қўшилган Георгий Судаковга ҳам тегишли бўлган.
Қайд этилишича, ҳозирда Жозе ўз баёнотларида бироз вазминроқ бўлиши керак эди деб ҳисобламоқда.
