«Napoli»ning belgiyalik yarim himoyachisi Kevin de Bryoyne futbolga bo‘lgan ishtiyoqi pasayganini ochiq tan oldi.
«Men futbolni avvalgidek sevmayman. O‘ylaymanki, bu tabiiy holat — 30 yoshdan oshganingdan keyin, xuddi boshqa istalgan kasbda bo‘lgani kabi, qiziqishingni yo‘qota boshlaysan», — deya de Bryoynening so‘zlarini «The Touchline» nashri keltirmoqda.
Hozirda De Bryoyne 34 yoshda. U o‘tgan yozda «Manchester Siti»dan «Napoli»ga ko‘chib o‘tgan edi. Neapolliklar tarkibida yarim himoyachi barcha turnirlarda 15 ta o‘yinda maydonga tushib, 4 ta gol va 2 ta golli uzatmaga mualliflik qildi. Uning Italiya klubi bilan amaldagi shartnomasi 2027 yilning yoziga qadar mo‘ljallangan.
