«Наполи»нинг бельгиялик ярим ҳимоячиси Кевин де Брёйне футболга бўлган иштиёқи пасайганини очиқ тан олди.

«Мен футболни аввалгидек севмайман. Ўйлайманки, бу табиий ҳолат — 30 ёшдан ошганингдан кейин, худди бошқа исталган касбда бўлгани каби, қизиқишингни йўқота бошлайсан», — дея де Брёйненинг сўзларини «The Touchline» нашри келтирмоқда.

Ҳозирда Де Брёйне 34 ёшда. У ўтган ёзда «Манчестер Сити»дан «Наполи»га кўчиб ўтган эди. Неаполликлар таркибида ярим ҳимоячи барча турнирларда 15 та ўйинда майдонга тушиб, 4 та гол ва 2 та голли узатмага муаллифлик қилди. Унинг Италия клуби билан амалдаги шартномаси 2027 йилнинг ёзига қадар мўлжалланган.