Chempionlar ligasining 1/4 final dastlabki uchrashuvlari yakunlandi. Opta superkompyuteri hisob-kitoblariga ko‘ra, safarda Lissabonning "Sporting" jamoasini mag‘lub etgan (1:0) Londonning "Arsenal" klubi turnir favoriti bo‘lib qolmoqda. "To‘pchilar"ning yakuniy zafar quchish ehtimoli 36,69% ga baholanmoqda. G‘alaba uchun ikkinchi asosiy da’vogar sifatida Madridda "Real"dan ustun kelgan (2:1) "Bavariya" e’tirof etilmoqda — 29,11%. Da’vogarlar uchligini "Liverpul" bilan javob o‘yini oldidan ikkita to‘p farqi bilan ustunlik yaratgan "PSJ" (16,22%) yakunlab bergan. "Barselona" ustidan qozonilgan g‘alabadan so‘ng "Atletiko" to‘rtinchi favoritga aylandi, biroq Diyego Simeone jamoasining imkoniyatlari baribir past baholanmoqda — 6,77%.

"Ko‘k-anorranglilar" 5,21% bilan reytingda beshinchi o‘rinda bormoqda, keyingi pog‘onalardan "Real" (2,67%), "Liverpul" (1,83%) va Lissabonning "Sporting" (1,50%) klublari joy olgan.

Javob uchrashuvlari 14 va 15 aprel kunlari bo‘lib o‘tadi.