«Tottenxem»ning yangi bosh murabbiyi Roberto de Dzerbi markaziy himoyachi Kristian Romeroning klubni tark etishi mumkinligi haqidagi xabarlarga munosabat bildirdi.
«Shporlar» sardorining nomi anchadan beri Ispaniyaga ko‘chib o‘tish bilan bog‘lanmoqda, u yerda mahalliy grandlar unga da’vogarlik qilayotgani haqida mish-mishlar yuribdi.
«Kuti biz uchun juda muhim, «Tottenxem» uchun klub sifatida qadrli. U — sardor va ehtimol, tarkibdagi eng muhim o‘yinchidir. O‘z oldimizga qo‘ygan maqsadlarga erishish uchun bizga uning eng yaxshi holati zarur», — deya mart oyi oxirida lavozimga kirishgan de Dzerbining so‘zlarini keltirmoqda NBC Sports.
Kristian Romeroning «Tottenxem» bilan shartnomasi 2029 yilgacha mo‘ljallangan. Futbolchi 2022 yilning yozidan beri London klubi sharafini himoya qilib kelmoqda.
