«Тоттенхэм»нинг янги бош мураббийи Роберто де Дзерби марказий ҳимоячи Кристиан Ромеронинг клубни тарк этиши мумкинлиги ҳақидаги хабарларга муносабат билдирди.
«Шпорлар» сардорининг номи анчадан бери Испанияга кўчиб ўтиш билан боғланмоқда, у ерда маҳаллий грандлар унга даъвогарлик қилаётгани ҳақида миш-мишлар юрибди.
«Кути биз учун жуда муҳим, «Тоттенхэм» учун клуб сифатида қадрли. У — сардор ва эҳтимол, таркибдаги энг муҳим ўйинчидир. Ўз олдимизга қўйган мақсадларга эришиш учун бизга унинг энг яхши ҳолати зарур», — дея март ойи охирида лавозимга киришган де Дзербининг сўзларини келтирмоқда NBC Sports.
Кристиан Ромеронинг «Тоттенхэм» билан шартномаси 2029 йилгача мўлжалланган. Футболчи 2022 йилнинг ёзидан бери Лондон клуби шарафини ҳимоя қилиб келмоқда.
