Madridning «Real» klubi markaziy himoyachisi Raul Asensio mavsum yakunlanganidan keyin jamoani tark etishi mumkin.
«Qaymoqranglilar» kelasi mavsumda Eder Militao va Din Xyoysenga asosiy urg‘u berishni rejalashtirishmoqda. Shuningdek, klub tajribali Antonio Ryudigerni tarkibda saqlab qolish va yana bir yangi markaziy himoyachi bilan kuchayishni niyat qilgan. Shunga ko‘ra, Asensio asosiy tarkibdan joy olishi amrimahol, shu sababli klub uni sotib yuborishga tayyor, deb xabar bermoqda Diario AS. Manba, shuningdek, 23 yoshli futbolchining bosh murabbiy Alvaro Arbeloa bilan munosabatlari yaxshi emasligi haqidagi avvalroq tarqalgan ma’lumotlarni ham tasdiqladi.
O‘tgan yozda Asensio «Real» bilan shartnomasini 2031 yilgacha uzaytirgan edi, biroq bu holat «qirollik klubi»ning o‘z tarbiyalanuvchisi bilan xayrlashishiga to‘sqinlik qilmaydi. Transfermarkt portalida futbolchining narxi 25 mln yevro etib belgilangan.
