Мадриднинг «Реал» клуби марказий ҳимоячиси Рауль Асенсио мавсум якунланганидан кейин жамоани тарк этиши мумкин.
«Қаймоқранглилар» келаси мавсумда Эдер Милитао ва Дин Хёйсенга асосий урғу беришни режалаштиришмоқда. Шунингдек, клуб тажрибали Антонио Рюдигерни таркибда сақлаб қолиш ва яна бир янги марказий ҳимоячи билан кучайишни ният қилган. Шунга кўра, Асенсио асосий таркибдан жой олиши амримаҳол, шу сабабли клуб уни сотиб юборишга тайёр, деб хабар бермоқда Diario AS. Манба, шунингдек, 23 ёшли футболчининг бош мураббий Альваро Арбелоа билан муносабатлари яхши эмаслиги ҳақидаги аввалроқ тарқалган маълумотларни ҳам тасдиқлади.
Ўтган ёзда Асенсио «Реал» билан шартномасини 2031 йилгача узайтирган эди, бироқ бу ҳолат «қироллик клуби»нинг ўз тарбияланувчиси билан хайрлашишига тўсқинлик қилмайди. Transfermarkt порталида футболчининг нархи 25 млн евро этиб белгиланган.
