«Budyo-Glimt» jamoasining rossiyalik darvozaboni Nikita Xaykin Norvegiya fuqaroligini oldi. Bu haqda NRK nashri norvegiyalik jurnalist Yan Petter Salvedtga tayanib xabar bermoqda.
«Hoziroq bizga Nikita Xaykin Norvegiya fuqaroligi va pasportini olgani haqida xabar keldi. Bugun bu ma’lumot rasmiy hujjatlar bilan tasdiqlandi», — dedi Salvedt.
Bir yil avval Nikita o‘zida bir nechta pasport borligini aytgan edi: «Men Isroilda tug‘ilganman, fuqaroligim bor, shuningdek, Buyuk Britaniya pasportini ham olganman. O‘zimni rus deb hisoblayman, Rossiya pasporti — men uchun sharaf. Mamlakatda xotirjam yashash uchun Norvegiya fuqaroligini olishni rejalashtirganman».
Xaykin faoliyati davomida bir qator Rossiya klublari tizimida bo‘lgan, kattalar darajasida esa «Bney IYEguda», «Xapoel Kfar-Sava» va «Bristol Siti» kabi jamoalarda o‘ynagan. U faoliyatining asosiy qismini «Budyo-Glimt»da o‘tkazmoqda.
Nikita Rossiyaning o‘smirlar va yoshlar terma jamoalarida o‘ynagan bo‘lsa-da, asosiy terma jamoada debyut qilmagan. Shu sababli, darvozabonda JCH-2026 turnirida Norvegiya terma jamoasi sharafini himoya qilish imkoniyati mavjud.
