«Bavariya»ning sobiq yarim himoyachisi Ditmar Xamann myunxenliklar vingeri Maykl Olisening o‘yini haqidagi yuqori fikrlari bilan o‘rtoqlashdi.
Fransiyalik futbolchi joriy mavsum Bundesligadagi 26 ta o‘yinda 11 ta gol urdi va 18 ta golli uzatmani amalga oshirdi.
«Hozirgi holatda u dunyoning eng kuchli uch nafar o‘yinchisi qatoriga kiradi, deb ayta olaman. Birga-bir vaziyatlarda uni to‘xtatib qolishning deyarli iloji yo‘q.
Bu shuni anglatadiki, uni doimiy ravishda ikki kishi bo‘lib qo‘riqlashga to‘g‘ri keladi. Bunday vaziyatda esa maydonning boshqa qismida doim bo‘sh o‘yinchi paydo bo‘ladi. Maykl hozirda «Bavariya»ning eng muhim futbolchisi», — dedi Ditmar Xamann.
