«Бавария»нинг собиқ ярим ҳимоячиси Дитмар Хаманн мюнхенликлар вингери Майкл Олисенинг ўйини ҳақидаги юқори фикрлари билан ўртоқлашди.
Франциялик футболчи жорий мавсум Бундеслигадаги 26 та ўйинда 11 та гол урди ва 18 та голли узатмани амалга оширди.
«Ҳозирги ҳолатда у дунёнинг энг кучли уч нафар ўйинчиси қаторига киради, деб айта оламан. Бирга-бир вазиятларда уни тўхтатиб қолишнинг деярли иложи йўқ.
Бу шуни англатадики, уни доимий равишда икки киши бўлиб қўриқлашга тўғри келади. Бундай вазиятда эса майдоннинг бошқа қисмида доим бўш ўйинчи пайдо бўлади. Майкл ҳозирда «Бавария»нинг энг муҳим футболчиси», — деди Дитмар Хаманн.
