«Yuventus» bosh murabbiyi Luchano Spalletti klubdagi faoliyatini davom ettiradi.
Turin klubi o‘zining rasmiy sahifalarida mutaxassis bilan 2028 yilning o‘rtalariga qadar amal qiladigan yangi mehnat shartnomasi imzolanganini e’lon qildi. Eslatib o‘tamiz, murabbiy jamoani 2025 yilning kuzida qabul qilib olgan va o‘shanda mavsum yakunigacha mo‘ljallangan kelishuvga qo‘l qo‘ygan edi.
Italiya A Seriyasining joriy mavsumida turinliklar 31 ta o‘yinda 16 ta g‘alaba va 6 ta mag‘lubiyat qayd etgan bo‘lsa, 9 ta uchrashuvda raqiblar bilan ochko bo‘lishishdi. Klub o‘z hisobidagi 57 ochko bilan turnir jadvalida beshinchi o‘rinda bormoqda. Chempionat peshqadami — 72 ochko to‘plagan «Inter».
