«Ювентус» бош мураббийи Лучано Спаллетти клубдаги фаолиятини давом эттиради.
Турин клуби ўзининг расмий саҳифаларида мутахассис билан 2028 йилнинг ўрталарига қадар амал қиладиган янги меҳнат шартномаси имзоланганини эълон қилди. Эслатиб ўтамиз, мураббий жамоани 2025 йилнинг кузида қабул қилиб олган ва ўшанда мавсум якунигача мўлжалланган келишувга қўл қўйган эди.
Италия А Сериясининг жорий мавсумида туринликлар 31 та ўйинда 16 та ғалаба ва 6 та мағлубият қайд этган бўлса, 9 та учрашувда рақиблар билан очко бўлишишди. Клуб ўз ҳисобидаги 57 очко билан турнир жадвалида бешинчи ўринда бормоқда. Чемпионат пешқадами — 72 очко тўплаган «Интер».
