Bugun, 10 aprel kuni Ispaniya La Ligasining 2025/2026 yilgi mavsumi 31-turi doirasida Madridning «Real» jamoasi o‘z maydonida «Jirona»ni qabul qiladi. Uchrashuv Madriddagi «Santyago Bernabeu» stadionida bo‘lib o‘tadi. Bahsni bosh hakam Xavyer Alberola Roxas boshqarib boradi. O‘yin Toshkent vaqti bilan soat 00:00 da start oladi.

Jamoalarning asosiy tarkiblari ma’lum:

«Real»: Lunin, F. Garsiya, R. Asensio, Militao, Karvaxal, Kamavinga, Valverde, Bellingem, Vinisius, B. Dias, Mbappe.

«Jirona»: Gassaniga, Reys, Franses, Moreno, Martines, Martin, Vitsel, Lemar, Sigankov, Unai, Echeverri.

Eslatib o‘tamiz, o‘tgan turda Alvaro Arbeloa shogirdlari «Malyorka»ga 1:2 hisobida imkoniyatni boy bergan edi. «Real» navbatdagi o‘yinini 21 aprel kuni «Alaves»ga qarshi o‘tkazadi. Kataloniya jamoasi esa o‘tgan turda «Vilyarreal» ustidan 1:0 hisobida g‘alaba qozongan. «Jirona»ning keyingi raqibi «Betis» bo‘ladi (21 aprel).