Бугун, 10 апрель куни Испания Ла Лигасининг 2025/2026 йилги мавсуми 31-тури доирасида Мадриднинг «Реал» жамоаси ўз майдонида «Жирона»ни қабул қилади. Учрашув Мадриддаги «Сантьяго Бернабеу» стадионида бўлиб ўтади. Баҳсни бош ҳакам Хавьер Альберола Рохас бошқариб боради. Ўйин Тошкент вақти билан соат 00:00 да старт олади.
Жамоаларнинг асосий таркиблари маълум:
«Реал»: Лунин, Ф. Гарсия, Р. Асенсио, Милитао, Карвахаль, Камавинга, Вальверде, Беллингем, Винисиус, Б. Диас, Мбаппе.
«Жирона»: Гассанига, Рейс, Франсес, Морено, Мартинес, Мартин, Витсель, Лемар, Циганков, Унаи, Эчеверри.
Эслатиб ўтамиз, ўтган турда Альваро Арбелоа шогирдлари «Мальорка»га 1:2 ҳисобида имкониятни бой берган эди. «Реал» навбатдаги ўйинини 21 апрель куни «Алавес»га қарши ўтказади. Каталония жамоаси эса ўтган турда «Вильярреал» устидан 1:0 ҳисобида ғалаба қозонган. «Жирона»нинг кейинги рақиби «Бетис» бўлади (21 апрель).
