Yaqinda «Tottenxem» bosh murabbiyi lavozimini egallagan Roberto de Dzerbi jamoaning joriy mavsumdagi istiqbollari haqidagi savolga javob berdi.
«Shporlar» ustozidan jamoani Chempionshipga tushib ketishdan asrab qola olishiga ishonishi haqida so‘rashdi.
«Ha. Men buni ular bilan ishlashni boshlashimdan oldin ham bilardim. Men ularning yaxshi yigitlar ekanini tushunib yetdim. Muxlislar xursand bo‘lishlari kerak, chunki barcha futbolchilar ajoyib insonlar va ular ham hozirgi qiyin vaziyatdan aziyat chekmoqdalar», — dedi de Dzerbi.
Hozirgi vaqtda London klubi Angliya Premyer-ligasi turnir jadvalida 17-o‘rinni egallab turibdi. «Tottenxem» hisobida 31 turdan so‘ng 30 ochko mavjud.
