Яқинда «Тоттенхэм» бош мураббийи лавозимини эгаллаган Роберто де Дзерби жамоанинг жорий мавсумдаги истиқболлари ҳақидаги саволга жавоб берди.
«Шпорлар» устозидан жамоани Чемпионшипга тушиб кетишдан асраб қола олишига ишониши ҳақида сўрашди.
«Ҳа. Мен буни улар билан ишлашни бошлашимдан олдин ҳам билардим. Мен уларнинг яхши йигитлар эканини тушуниб етдим. Мухлислар хурсанд бўлишлари керак, чунки барча футболчилар ажойиб инсонлар ва улар ҳам ҳозирги қийин вазиятдан азият чекмоқдалар», — деди де Дзерби.
Ҳозирги вақтда Лондон клуби Англия Премьер-лигаси турнир жадвалида 17-ўринни эгаллаб турибди. «Тоттенхэм» ҳисобида 31 турдан сўнг 30 очко мавжуд.
