«Barselona» bosh murabbiyi Xans-Diter Flik yarim himoyachi Frenki de Yongning holati haqidagi savolga javob berdi. Niderlandiyalik futbolchi oxirgi marta 22 fevral kuni maydonga tushgan edi. Yaqinda kataloniyaliklar de Yong mashg‘ulotlarning bir qismini umumiy guruhda o‘tkazgani haqida xabar berishgandi.
«De Yong masalasida bosqichma-bosqich harakat qilishimiz kerak. Keyingi qadam — ertaga. Mashg‘ulotdan so‘ng o‘zini qanday his qilishini ko‘ramiz va keyin bir qarorga kelamiz. Uning qaytganidan xursandman, lekin kutish kerak. U mashg‘ulotlarda o‘zini yaxshi ko‘rsatdi va qaydnomaga kiritilib, zaxira o‘rindig‘ida bo‘ladi», — dedi Flik juma kungi matbuot anjumanida.
Shanba kuni, 11 aprel kuni «Barselona» Ispaniya chempionati doirasida o‘z maydonida «Espanyol»ga qarshi bahs olib boradi.
