«Барселона» бош мураббийи Ханс-Дитер Флик ярим ҳимоячи Френки де Йонгнинг ҳолати ҳақидаги саволга жавоб берди. Нидерландиялик футболчи охирги марта 22 февраль куни майдонга тушган эди. Яқинда каталонияликлар де Йонг машғулотларнинг бир қисмини умумий гуруҳда ўтказгани ҳақида хабар беришганди.
«Де Йонг масаласида босқичма-босқич ҳаракат қилишимиз керак. Кейинги қадам — эртага. Машғулотдан сўнг ўзини қандай ҳис қилишини кўрамиз ва кейин бир қарорга келамиз. Унинг қайтганидан хурсандман, лекин кутиш керак. У машғулотларда ўзини яхши кўрсатди ва қайдномага киритилиб, захира ўриндиғида бўлади», — деди Флик жума кунги матбуот анжуманида.
Шанба куни, 11 апрель куни «Барселона» Испания чемпионати доирасида ўз майдонида «Эспаньол»га қарши баҳс олиб боради.
