Madridning «Atletiko» klubi La Liganing 31-turi doirasida safarda «Sevilya»ga 1:2 hisobida imkoniyatni boy berdi.
Uchrashuvning 10-daqiqasida mezbonlar hujumchisi Akor Jerom Adams penaltidan hisobni ochdi. 35-daqiqada Xavyer Bonyar gol urib, madridliklarning javob qaytarishini ta’minladi. Biroq birinchi bo‘lim yakunida Nemanya Gudel «Sevilya»ga g‘alaba keltirgan gol muallifiga aylandi.
Diyego Simeone shogirdlari (57 ochko) La Ligada qatorasiga uchinchi mag‘lubiyatni qabul qilib olishdi va turnir jadvalida to‘rtinchi o‘rinni egallab turishibdi. «Sevilya» esa uchta mag‘lubiyatdan iborat noxush seriyasiga chek qo‘yib, 34 ochko bilan 15-o‘ringa ko‘tarilib oldi.
Ispaniya La Ligasi. 31-tur
11.04.2026 | 23:59
«Ramon Sanches Pisxuan», Sevilya
«SEVILYA» — «ATLETIKO» — 2:1
Gollar: Che Adams 10-pen (1:0), Bonyar 35 (1:1), Nemanya Gudel 45+2 (2:1).
«Sevilya»: Vlaxodimos, Salas, Gudel, Kastrin, Oso, X. Sanches (Suaso, 90+4), Agume, Manu Bueno (Sou, 70), Ruben Vargas (A. Sanches, 78), Romero (Peke Fernandes, 70), Adams (Mendi, 90+4).
«Atletiko»: Musso, Pubil, Martines, Dias (Monserrate, 86), Bonyar, Mendosa (Morsilyo, 71), O. Vargas, Baena, Almada, Belaid (Lukman, 71), Serlot.
Ogohlantirishlar: Manu Bueno (36), X. Sanches (67), Gudel (88), Peke Fernandes (90) — Dias (44), Baena (75), Grizmann (75), Morsilyo (90).
