«Barselona» bosh murabbiyi Xans-Diter Flik yarim himoyachi Frenki de Yongning holati haqidagi savolga javob berdi. Shanba kuni «Espanyol»ga qarshi kechgan bahsda niderlandiyalik futbolchi zaxiradan maydonga tushib, golli uzatmani amalga oshirdi. Bu de Yong uchun 22 fevraldan beri o‘tkazilgan ilk o‘yin bo‘ldi.
«De Yongning qaytishi? U maydonga tushgach, o‘z darajasini ko‘rsata oldi. Biroq uning «Atletiko»ga qarshi uchrashuvda asosiy tarkibda maydonga tushishiga ishonchim komil emas. Uning 45 daqiqadan ko‘proq o‘ynay olishini bilmayman. Bu borada tibbiy shtab bilan maslahatlashaman», — deya Flikning so‘zlaridan iqtibos keltiradi The Touchline.
«Barselona» kelayotgan seshanba, 14 aprel kuni safarda «Atletiko» mehmoni bo‘ladi. Kataloniyaliklar Chempionlar ligasi chorak finalining dastlabki o‘yinidagi 0:2 hisobidagi mag‘lubiyatdan so‘ng vaziyatni o‘nglashlari lozim.
