«Yuventus» bosh murabbiyi Luchano Spalletti Chempionlar ligasi yo‘llanmasi uchun kechayotgan kurash haqida o‘z fikrlarini bildirdi.
Shanba kuni turinliklar «Atalanta» ustidan kichik hisobda g‘alaba qozonib, A Seriya turnir jadvalida to‘rtinchi o‘ringa ko‘tarilib olishdi.
«Mening fikrimcha, «Yuventus» kabi jamoalarsiz Chempionlar ligasi o‘z jozibasini yo‘qotadi. Bu yerda gap faqat transferlar uchun zarur bo‘lgan mablag‘da emas, balki turnirning o‘zida ishtirok etish faktorida. Biz kelasi mavsumni Chempionlar ligasisiz o‘tkazishni istamaymiz», – dedi yaqinda «keksa sinyora» bilan shartnomasini uzaytirgan Spalletti matbuot anjumanida.
Agar bugun ikki ochko ortda qolayotgan «Komo» o‘z maydonida Milanning «Inter» klubini mag‘lub etsa, «Yuventus» yana beshinchi o‘ringa tushib qoladi.
