«Yuventus» klubi «Liverpul» darvozaboni Alissonni sotib olish niyatida. Bu haqda Tuttosport nashri xabar bermoqda.

Manbaning ma’lumotlariga ko‘ra, golkiperning agenti o‘tgan dam olish kunlari Italiyada bo‘lib, Turin klubi bilan muzokaralar olib borgan. Tomonlar o‘rtasidagi navbatdagi uchrashuv yaqin kunlarda bo‘lib o‘tishi kutilmoqda.

Biroq, Alissonning «Yuventus»ga ehtimoliy transferida jiddiy muammo mavjud. Bu transfer summasi bilan bog‘liq masala emas — Turin jamoasi braziliyalik posbonning maosh va komissiya to‘lovlari borasidagi moliyaviy talablarini qondira olmayapti.