«Milan» markaziy yarim himoyachisi Adriyen Rabio Rafael Leauning «rossonerilar» uchun ahamiyati haqida fikr bildirdi, shuningdek, portugaliyalik vingerning hozirgi sport formasiga to‘xtaldi.
«U mehnat qilish orqali eng yaxshi holatiga qaytadi. Ehtimol, hozir u uchun qiyinroq kechayotgandir, ammo biz — ham jamoadoshlari, ham muxlislar unga ishonch berishimiz kerak. U «Milan» uchun muhim o‘yinchi bo‘lgan va shunday bo‘lib qoladi», — deya xavbekning so‘zlarini keltirmoqda MilanNews.
Avvalroq, Rabio «Udineze»ga qarshi kechgan (0:3) bahsda o‘z jamoadoshining sha’niga aytilgan hushtakbozliklardan so‘ng uni qo‘llab-quvvatlagan edi.
Joriy mavsumda Leau barcha turnirlarda 26 ta o‘yinda maydonga tushib, o‘z hisobiga 10 ta gol va 2 ta golli uzatmani yozdirib qo‘ydi.
