«Милан» марказий ярим ҳимоячиси Адриен Рабио Рафаэл Леаунинг «россонерилар» учун аҳамияти ҳақида фикр билдирди, шунингдек, португалиялик вингернинг ҳозирги спорт формасига тўхталди.

«У меҳнат қилиш орқали энг яхши ҳолатига қайтади. Эҳтимол, ҳозир у учун қийинроқ кечаётгандир, аммо биз — ҳам жамоадошлари, ҳам мухлислар унга ишонч беришимиз керак. У «Милан» учун муҳим ўйинчи бўлган ва шундай бўлиб қолади», — дея хавбекнинг сўзларини келтирмоқда MilanNews.

Аввалроқ, Рабио «Удинезе»га қарши кечган (0:3) баҳсда ўз жамоадошининг шаънига айтилган ҳуштакбозликлардан сўнг уни қўллаб-қувватлаган эди.

Жорий мавсумда Леау барча турнирларда 26 та ўйинда майдонга тушиб, ўз ҳисобига 10 та гол ва 2 та голли узатмани ёздириб қўйди.