«Tottenxem» bosh murabbiyi Roberto de Dzerbi jamoaning Chempionshipga tushib ketish xavfi haqida o‘z fikrlarini bildirdi.
Yakshanba kuni «shporlar» italiyalik mutaxassis qo‘l ostidagi ilk o‘yinda «Sanderlend»ga imkoniyatni boy berib (0:1), halokat sari yana bir qadam tashlashdi. Londonliklar mavsum yakunlanishiga olti tur qolganda xavfli hududda borishmoqda.
«Mening ishim hozir futboldan ko‘ra ko‘proq psixologiya bilan bog‘liq. Men futbolchilar uchun aka yoki otadek bo‘lishim kerak — ularga murabbiyning keragi yo‘q. Ularni futbol o‘ynashga o‘rgatish shart emas, ularga ishonch bag‘ishlash lozim. Hozirgi maqsadimiz — bitta o‘yinda g‘alaba qozonish. Shundan so‘ng hammasi o‘zgarib ketadi», — dedi de Dzerbi matbuot anjumanida.
Hozirda «Tottenxem» 17-o‘rinni egallab turgan «Vest Xem»dan ikki ochko orqada qolmoqda.
