«Тоттенхэм» бош мураббийи Роберто де Дзерби жамоанинг Чемпионшипга тушиб кетиш хавфи ҳақида ўз фикрларини билдирди.

Якшанба куни «шпорлар» италиялик мутахассис қўл остидаги илк ўйинда «Сандерленд»га имкониятни бой бериб (0:1), ҳалокат сари яна бир қадам ташлашди. Лондонликлар мавсум якунланишига олти тур қолганда хавфли ҳудудда боришмоқда.

«Менинг ишим ҳозир футболдан кўра кўпроқ психология билан боғлиқ. Мен футболчилар учун ака ёки отадек бўлишим керак — уларга мураббийнинг кераги йўқ. Уларни футбол ўйнашга ўргатиш шарт эмас, уларга ишонч бағишлаш лозим. Ҳозирги мақсадимиз — битта ўйинда ғалаба қозониш. Шундан сўнг ҳаммаси ўзгариб кетади», — деди де Дзерби матбуот анжуманида.

Ҳозирда «Тоттенхэм» 17-ўринни эгаллаб турган «Вест Хэм»дан икки очко орқада қолмоқда.