Bernardu Silva Premyer-liga tarixida eng ko‘p o‘yin o‘tkazgan portugaliyalik futbolchiga aylanib, yakka peshqadam bo‘lib oldi.
«Manchester Siti» yarim himoyachisi Angliya chempionatida 297 ta o‘yin o‘tkazdi va Luish Boa Mortedan o‘zib ketdi — «Arsenal», «Fulxem» va «Vest Xem» klublarining sobiq a’zosi hisobida 296 ta o‘yin bor edi.
Kuchli uchlikni Krishtianu Ronaldu yakunlab beradi, u APLda 236 ta uchrashuvda maydonga tushgan. «Manchester Yunayted» yarim himoyachisi Brunu Fernandesh to‘rtinchi (223), «Liverpul»ning sobiq hujumchisi Diogu Jota beshinchi (190), «Chelsi» a’zosi Pedru Netu 8-o‘rin (176) va «Siti» himoyachisi Ruben Diash 10-o‘rini (169) egallab turibdi.
Avvalroq Bernardu Silva mavsum yakunida «Manchester Siti»ni tark etishi haqida xabar berilgan edi. Yarim himoyachi 2017 yildan beri klub sharafini himoya qilib kelmoqda.
