Бернарду Силва Премьер-лига тарихида энг кўп ўйин ўтказган португалиялик футболчига айланиб, якка пешқадам бўлиб олди.
«Манчестер Сити» ярим ҳимоячиси Англия чемпионатида 297 та ўйин ўтказди ва Луиш Боа Мортедан ўзиб кетди — «Арсенал», «Фулхэм» ва «Вест Хэм» клубларининг собиқ аъзоси ҳисобида 296 та ўйин бор эди.
Кучли учликни Криштиану Роналду якунлаб беради, у АПЛда 236 та учрашувда майдонга тушган. «Манчестер Юнайтед» ярим ҳимоячиси Бруну Фернандеш тўртинчи (223), «Ливерпуль»нинг собиқ ҳужумчиси Диогу Жота бешинчи (190), «Челси» аъзоси Педру Нету 8-ўрин (176) ва «Сити» ҳимоячиси Рубен Диаш 10-ўрини (169) эгаллаб турибди.
Аввалроқ Бернарду Силва мавсум якунида «Манчестер Сити»ни тарк этиши ҳақида хабар берилган эди. Ярим ҳимоячи 2017 йилдан бери клуб шарафини ҳимоя қилиб келмоқда.
