«Liverpul»ning afsonaviy himoyachisi, hozirda esa teleekspert sifatida faoliyat yuritayotgan Jeymi Karrager Londonning «Tottenxem» klubining joriy mavsumdagi muvaffaqiyatsiz ishtiroki haqida gapirdi.
«Ishonishim qiyin, lekin "shporlar" APLdan tushib ketishga juda yaqin turishibdi. Ular dahshatli futbol ko‘rsatishmoqda. Ayni damda "Tottenxem" hamma uchun juda qulay raqibga aylanib qolgan. Boshqa autsayderlarda hali qandaydir "kozirlar" bor, lekin londonliklarda emas», — deya ekspertning so‘zlarini keltirmoqda Sky Sports.
Eslatib o‘tamiz, Roberto de Dzerbi shogirdlari so‘nggi bahsda safarda «Sanderlend»ga 0:1 hisobida imkoniyatni boy berishdi. Bugungi holatga ko‘ra, «Tottenxem» APL turnir jadvalida 18-o‘rinni egallab turibdi.
