«Real»ning sobiq futbolchisi Eden Azar «qaymoqranglilar»ning hozirgi yetakchisi Kilian Mbappe haqida o‘z fikrlarini bildirdi. U fransuz futbolchisi bir necha bor Chempionlar Ligasi g‘olibi bo‘lishga loyiq deb hisoblaydi. Belgiyalik sobiq o‘yinchi Mbappe bu maqsadga erisha olishiga shubha qilmayapti.
«Mbappening shaxsiy statistikasi va «Real»ning g‘alaba qozona olmayotgani haqidagi munozaralar? Bu murakkab savol. U «PSJ»dan ketadi va «PSJ» darhol Chempionlar Ligasida g‘olib chiqadi... Lekin u Fransiya terma jamoasida o‘ynaydi va u bilan turnirlarda zafar quchgan, shunday ekan, muammo faqat Kilianda emas. Uni yaxshi bilgan inson sifatida shuni ayta olamanki, u shunchaki o‘z ishini davom ettirishi kerak. U gollar urishi va quvonch bag‘ishlashi lozim. Shunda jamoa uni qo‘llab-quvvatlaydi va u yanada ko‘proq narsaga erisha oladi. U bir nechta Chempionlar Ligasi titulini yutishga loyiq bo‘lgan ajoyib futbolchi. Aynan shuning uchun ham u ushbu klubda va o‘ylaymanki, u bunga erishadi», — dedi Azar.
Eslatib o‘tamiz, joriy mavsumda «Real» Chempionlar Ligasining 1/4 finaliga qadar yetib keldi. Chorak finalning dastlabki uchrashuvida madridliklar «Bavariya»ga 1:2 hisobida imkoniyatni boy berishdi. Javob o‘yini 15 aprel kuni bo‘lib o‘tadi.
