«Real» ustozi Alvaro Arbeloa «Bavariya»ga qarshi javob uchrashuvida Orelyen Tchuamenining ishtirok eta olmasligi borasida o‘z fikrlarini bildirdi. Fransuz futbolchisi diskvalifikasiya sababli o‘yinni o‘tkazib yuboradi.
— Tchuamenining yo‘qligi sizni qattiq tashvishga solyaptimi? — deya so‘rashdi Arbeloadan matbuot anjumanida.
— Bizda variantlar ko‘p. Ushbu pozisiyada o‘ynay oladigan futbolchilarimiz bor: Kamavinga, Tyago, Sebalyos, Valverde… Ertaga maydonga tushadigan tarkibni allaqachon bilib oldim. Ular menga katta ishonch bag‘ishlashadi. Zaxiradan maydonga tushadiganlar ham ikkinchi bo‘limda yordam berishlari kerak, chunki o‘yin juda shiddatli kechadi. Shunday tarkibga ega ekanligimdan o‘zimni imtiyozli his qilaman, — dedi Arbeloa.
Dastlabki uchrashuvda «Real» o‘z maydonida «Bavariya»ga 1:2 hisobida imkoniyatni boy bergan edi.
