«Milan» Pervis Estupinyan borasida yakuniy qarorga keldi — uning «Inter» darvozasiga urgan g‘alaba goli ham klubdagi o‘rnini saqlab qolish uchun yetarli bo‘lmadi.
«Rossonerilar» rahbariyati futbolchining agentini yozda Estupinyan bilan xayrlashish niyatida ekanligi haqida allaqachon xabardor qilgan. Unga Angliyaning «Tottenxem» va Madridning «Atletiko» klublari qiziqish bildirmoqda.
Eslatib o‘tamiz, «Milan» ekvadorlik futbolchini Angliyaning «Brayton» klubidan 19 million yevro evaziga sotib olgan edi.
Hozirda Massimiliano Allegri boshqaruvidagi klub Italiya A Seriyasi turnir jadvalida uchinchi o‘rinni egallab turibdi.
